6. Vhutshilo hanga hu vhe zwine wa funa

1. Zwothe zwanga ndi zwau,
Zwo kumedzelwa iwe;
Zwothe zwine nda shuma,
Zwi rende dzina lau.

2. Zwanda zwanga ndi zwau,
Zwi shume nga lufuno,
Milenzhe yanga i vhe,
Ya u shumela iwe.

3. Nga ipfi na luimbo,
Ndi rende mune wanga,
Milomo yanga i vhe,
Ya u andadza fhungo.

4. Tanganedza mpo dzanga,
A thi nga dzumbi dzinwe,
Ndivho yanga ndi yau,
I shumise kha fhungo.

5. Lufuno lwanga lwothe,
A lu tsha do vha lwanga,
Na mbilu i vhe yau,
I mbo vha-ha pfamo yau.

6. Vhulenda na lufuno,
Kha zwi vhe tsini hau,
Nne mune ndi vho do vha,
Wau nga hu sa fheli.

5. Bako La Misi

1. Bako langa nkwame-vho
Nditshe ndi dzumbame-vho
Litsha madi malofha;
Kha lurumu a bva-ho
Tsha vha tshivhi tshi tanzwe
Bvisa nne-vho kha tshone.

2. A si mishumo yanga
Ine ya vha mikhethwa,
Ndivho yanga i nga si;
Mbiti dzanga dzi nga si;
Dza hangwela-vho zwivhi,
Ndi lwe mune fhedzi.

3. Tshine nda disa a huna,
Tshanga ndi tshifhambano,
Ndi da ndi wa u shaya,
Wa u lila tshilidzi
Ndi tshi bva ndi kha vhuvhi
Tanzwa nne muphulusi.

4. Musi Ri Na Yesu

1. Musi ri na Yesu,
Ri tshedzani tshawe!
U ri neya tshedza kha ndila
Ri tshi edza ene
U dzula na rine,
Na kha vhothe vhane vha tenda.

Chorus
Fulufhela,
Vhunga hu si tshe na,
Inwe ndila ine ra;
Nga ima khayo.

2. Hone swiswi a huna,
Na gole tadulu,
Tshedza tshawe tshi a vhonela,
Nga nndani ha nyofho
Vhutungu hu si na,
Vhune ha nga da ri tshi tenda.

3. Muhwalo a ri na,
Vhutungu a vhu ho,
I mishumo yashu o pfumba,
Vhutungu ha ndozwo
Tsinyuwo ya mbilu,
Zwi a shudufhadzwa ra tenda.

4. Ri nga si taluse,
Dakalo la vhuthu,
Hu si u isa zwothe khae
Mulalo wa mbilu
U newa dakalo
Ndi zwa vhane vha tenda tshothe.

3. Hu do na mvula ya Muya

1. Hu do na mvula ya muya;
Wo fulufhedziwa-ho
Hu do vha na maanda Maswa
A no bva ha Murena.

Chorus
Mvula ya muya
Mvula ya muya Mukhethwa,
Yoneha ine ra toda
U shululelwa yone.

2. Hu do na mvula ya muya
Dzanga lavhudi-vhudi,
Li tshi tsa lone lo dadza
Sa mvula shango lothe.

3. Hu do na mvula ya muya,
Rumela Yesu mukhethwa,
Neya-ha rine maanda.
Ri rende dzina lau.

4. Hu do na mvula ya muya,
I vhe ya u na zwino,
Musi ri tshi khou di sola,
Kha Yesu ri tshi vhidza.

5. Hu do na mvula ya muya,
Ri vhe vha fulufhelo,
Hu do vha na maanda maswa,
Musi ri tshi mu tenda.

2. Imani vha Murena

1. Imani vha murena
Ni lwele vhukhethwa,
Tshifhambano tshi ime;
Tshi si we nga swina,
Hu u kunda u do kunda
Vhalwi vhawe a ranga,
Uri vhothe vhannda,
Vha vhuswe nga ene.

2. Imani vha Murena;
Ni pfe ipfi lawe
Na neta ndi vhutungu
Imani ni si we.
Musi ni tshi tangana,
Na vhuvhi hune ha da
Ni luse nga lutendo
Swina li do kundwa.

3. Imani ni mu lwele
Musi ni tshi vhidzwa,
I bvani ni halifhe
Nga duvha la thendo
Hone vhanzhi vho vuwa,
Nungo dzone dzi ande
Uri musi no pika
Ni kunde nga ngoho.

1. Duvha la Dakalo

1. Lone duvha la dakalo,
Kha murena na Mudzimu,
Kha i mbilu i takale,
I andadze lone fhungo.

Chorus
Duvha la u tshidzwa,
Musi Yesu zwivhi o tanzwa;
Nda funzedzwa zwa thabelo;
Ndi tshile ndi kha dakalo;
Duvha la u tshidzwa
Musi Yesu zwivhi o tanzwa

2. Yone mbofho, ya muano,
Khaè mune wa lufuno.
Dza vha nyimbo dza zwirendo,
Kha dzi dadze nndu yawe.

3. Wo itwa, mushumo wone,
Nga murena e na nne,
O nkokodza nga lufuno,
Nda pfa ipfi nda di sola.

4. Awelaha mbilu yanga,
Omelela kha mukhethwa,
Fhano ndo wana-ha ifa,
La muvhuso wa Mudzimu.

75. Mihumbulo Yo Rula

1. Kha ri rende Murenda
Mihumbulo yo rula,
Ane vhuthu vhu si gume.
Khae ndi fulufhelo.

2. Nungo dzothe dzi khae,
Tshedza tshi dadza shango;
Ane vhuthu vhu si gume,
Khae ndi fulufhelo.

3. Zwitshilaho wa fusha,
Tshanda tshawe tshia fha,
Ane vhuthu vhu si gume,
Khae ndi fulufhelo.

4. Shudufhadzo kha vhawe,
Naho vhe khalo soga;
Ane vhuthu vhu si gume.
Khae ndi fulufhelo.

5. Ngalo ito tshilidzi,
U sedza matungu ashu,
Ane vhuthu vhu si gume.
Khae ndi fulufhelo.

6. Mihumbulo yo rula,
Murena kha a rendwe;
Ane vhuthu vhu si gume,
Khae ndi fulufhelo.